Bir kúnde eki búldirshin terezeden qulap, aýrýhanaǵa jetkizildi

ASTANA. QazAqparat - Qazaqstannyń eki óńirinde balalar terezeden qulap, aýrýhanaǵa tústi, dep habarlaıdy QazAqparat.

Máselen, 29 naýryz kúni saǵat 16:40 shamasynda Qaraǵandy oblysynyń Saran qalasynda 1A yqsham aýdanynda 2020 jyly týǵan qyz bala 4-qabatta ornalasqan páterdiń terezesinen qulap ketken.

Qaıǵyly sátte úlken balalar úıde boldy. Qyzdyń jaǵdaıy aýyr.

29 naýryz kúni saǵat 20:26-da 112 qutqarý qyzmetine Aqtóbe qalasy aǵaıyndy Jubanovtar kóshesindegi 5-shi qabattaǵy páter terezesinen 2021 jyly týǵan qyz balanyń qulap ketkeni týraly habar túsken.

Qyz bala aýyr jaǵdaıda aýrýhanaǵa jetkizildi.

TJM ata-analarǵa eskertý jasady:

- kishkentaı balalardy qaraýsyz qaldyrmańyz;

- bala terezeniń aldyna shyǵa almaýy úshin jıhazdy terezeniń janynan alyp tastańyz;

- moskıt toryna senbeńiz! Olar balany qorǵaýǵa arnalmaǵan;

- balaǵa terezeni birneshe santımetrden artyq ashýǵa múmkindik bermeıtin arnaıy bekitkish qoıyńyz;

- ashyq terezeniń janynda bolý qaýpi týraly balalarǵa túsindirińiz;

- eger bekitkish qurylǵy ornatý múmkindigi bolmasa, terezeniń tutqasyn alyp tastap, ony tek qajet bolǵan jaǵdaıda ornatyńyz.