Bir kúnde 500-ge jýyq ákimshilik quqyq buzý faktisi anyqtaldy - SQO
PETROPAVL. QazAqparat – Soltústik Qazaqstan oblysynda polıtseıler «Buzýshy» jedel-profılaktıkalyq is-sharasynyń alǵashqy kúni 463 ákimshilik quqyq buzýshylyqty anyqtady, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, jańa jyldyń alǵashqy aptasynan polıtseıler otbasy-turmystyq qylmystar men quqyq buzý faktileriniń aldyn alý maqsatynda jumysty kúsheıtti.
Ýchaskelik ınspektorlar buryn sottalǵandardyń, turmysy nashar otbasylardyń turǵylyqty mekenjaılaryna barady.
Al, patrýldik polıtseıler jol qozǵalysy qaýipsizdigin qamtasyz etý boıynsha reıdtik is-sharalardy kóbeıtti.
14 qańtar bastalǵan «Buzýshy» jedel-profılaktıkalyq is-sharasyna ýchaskelik ınspektorlar, ıývenaldyq jáne patrýldik polıtseıler – jalpy jergilikti polıtsııa qyzmetiniń barlyq bólinisteriniń 600-den astam qyzmetkeri jumyldyryldy.
Inspektorlar aýlalardy aralap, problemaly mekenjaılarǵa barady.
Ýchaskelik ınspektorlardyń mindeti – zorlyq-zombylyqqa jol bermeý, onyń aýyr saldarynyń aldyn alý.
SQO PD Jergilikti polıtsııa qyzmeti basqarmasynyń bastyǵy Aıdyn Baımatovtyń aıtýynsha, «Buzýshy» jedel-profılaktıkalyq is-sharasynyń alǵashqy kúninde oblys aýmaǵynda 463 ákimshilik quqyqbuzýshylyq anyqtalǵan.
Ýchaskelik ınspektorlar túrli profılaktıkalyq esepte turǵan 297 tulǵany turǵylyqty mekenjaılary boıynsha tekserdi.
Usaq buzaqylyqtyń - 51, kámeletke tolmaǵandardyń túngi ýaqytta úı-jaıdan tys eresektersiz júrýiniń - 39 faktisi anyqtaldy. 45 adam profılaktıkalyq esepke qoıyldy.
Operatsııanyń taǵy bir baǵyty – jol qaýipsizdigin qamtamasyz etý. Nátıjesinde 5 mas júrgizýshi ustaldy.
Jyldamdyqty asyrǵany úshin – 4, sondaı-aq, kólik basqarý quqyǵynan aıyryla tura temir tulpar tizgindegen 2 adam ákimshilik jaýapkershilikke tartyldy.
Qaýipsizdik beldigin taqpaǵany úshin 56 júrgizýshige, rólde kele jatyp telefon qoldanǵan 36 adamǵa ákimshilik hattama toltyryldy.
Jaıaý júrginshilerge jol bermegeni úshin 12 júrgizýshige eskertý berildi. Jaıaý júrginshilerge 59 hattama toltyryldy.
«Buzýshy» jedel-profılaktıkalyq is-sharasy 16 qańtarǵa deıin jalǵasady.
