Bir kúnde 350 myń qazaqstandyq uıaly telefonnan «mail.ru agent»-ke kiredi
ASTANA. 11 qarasha. QazAqparat - «Internet World Stats» agenttigi kezekti zertteý nátıjesin jarııalady. Bul týraly «Astana aqshamy» gazeti jazdy.
Ondaǵy málimetterge súıensek, Qazaqstanda 5,6 mıllıon adam áleýmettik jelilerdi kúndelikti paıdalanady eken.
Eń tanymal áleýmettik jelilerdiń qatarynda kúnine 1 mln. 125 myń ret qaralatyn «Moı mır», 558 myń ret qaralatyn «Odnoklassnıkı», 252 myń ret qaralatyn «V kontakte», 410 myń ret qaralatyn «Facebook» -ti jatqyzýǵa bolady.
Ókinishke qaraı, qazaqstandyq eshbir saıt, portal mundaı keń aýdıtorııany áli kúnge deıin qamtı alǵan joq.
Kúnine 350 myń qazaqstandyq uıaly telefonmen «mail.ru agent»-ke kiredi eken. Óıtkeni, bul aqparat almasýdyń tıimdi ári arzan joly. Agenttik usynǵan taǵy bir qyzyqty kerek derek, áleýmettik jelilerdegi árbir ekinshi adam ózi jaıynda ótirik málimet jazatyn kórinedi. Tarqatyp aıtsaq, olardyń 29 paıyzy esimi men jasyn, 23 paıyzy otbasylyq jaǵdaıyn, 22 paıyzy túr-álpeti jáne qyzyǵýshylyqtary týraly, 17 paıyzy bilimi men jumysyna qatysty ótirik aıtatyn bolyp shyqqan.
