Bir kúnde 3 myńnan astam qazaqstandyq «Nur Otan» partııasyna múshe boldy
Іs-sharaǵa jas nurotandyqtarmen birge saıası uıymnyń qalyptasýyna eńbek sińirgen partııa ardagerleri de arnaıy qatysty. Partııa tóraǵasynyń birinshi orynbasary Máýlen Áshimbaev barsha nurotandyqtardy partııa kúnimen jáne osy merekemen qatar kelgen Alǵys aıtý kúnimen quttyqtap, isterine sáttilik tiledi. Sondaı-aq ol «Nur Otan»-nyń aldynda Elbasy, partııa Tóraǵasy Nursultan Ábishuly Nazarbaev partııanyń XVIII sezinde aıqyndap bergen mańyzdy mindetter turǵanyna nazar aýdardy.
Jalpy, bıyl - «Nur Otan» partııasy úshin erekshe jyl. Óıtkeni saıası uıymnyń qurylǵanyna 20 jyl tolyp otyr. Osy mereıli dataǵa oraılastyrylǵan partııanyń kezekti XVIII sezinde Memleket basshysy, partııa Tóraǵasy Nursultan Nazarbaev barsha nurotandyqtardy atalǵan mereıtoımen quttyqtady.
Tarıhqa az-kem toqtalar bolsaq, osydan týra 20 jyl buryn, ıaǵnı 1999 jyldyń 1 naýryzynda partııanyń Birinshi tarıhı sezi ótip, onda Elbasy biraýyzdan «Nur Otan» partııasynyń Tóraǵasy bolyp saılandy. Sodan beri partııa jylnamasyna altyn áriptermen jazylǵan 1 naýryz Partııa kúni retinde atalyp ótiledi. Búginde «Nur Otan» 1 mıllıonnan astam partııa músheleri men 6 myń bastaýysh partııa uıymynyń basyn biriktiredi. Elimiz boıynsha partııanyń 248 fılıaly jumys isteıdi.
Aldymen osy máselelerge toqtalǵan Máýlen Áshimbaev ótken jyldarda partııanyń Elbasynyń eń senimdi tiregi jáne elimizdiń jetekshi saıası kúshi retinde qalyptasyp úlgergenin aıtty.
- Partııa 20 jylda Elbasynyń ekonomıkany reformalaýǵa, áleýmettik salany damytýǵa, qoǵamdaǵy ózekti máselelerdi oń sheshýge baǵyttalǵan strategııalyq bastamalaryn júzege asyrýǵa belsene qatysty. Sondyqtan elimizdiń barlyq jeńisteri men jetistikterinde «Nur Otan» partııasynyń, sondaı-aq ár nurotandyqtyń úlesi bar, - dedi partııa Tóraǵasynyń Birinshi orynbasary.
Onyń aıtýynsha, osy ýaqyt aralyǵynda partııanyń qoǵamdyq qabyldaý bólmelerine 1 mıllıonnan astam qazaqstandyq óz ótinishin aıtyp kelgen. «Nur Otan» 20 jylda 1 mıllıon 600 myńǵa jýyq aryz-shaǵym jáne ótinishter men usynystardy qarap, azamattardy alańdatqan máselelerdiń oń sheshilýine yqpal etken.
Sondaı-aq Elbasynyń memlekettiń aldyna burynǵydan da aýqymdy strategııalyq maqsattar qoıyp otyrǵanyn aıtqan Máýlen Áshibaev basty mindet - eldi júıeli jańǵyrtý arqyly álemniń eń damyǵan 30 memleketiniń qataryna qosylý ekenine nazar aýdardy.
- Aldaǵy ýaqytta partııamyz osy baǵyttarda júıeli jumys isteıdi. Odan bólek, partııanyń kezekti XVIII sezinde Memleket basshysynyń aldaǵy maqsat-mindetterge toqtalyp, birqatar naqty tapsyrmalar bergeni belgili. Ásirese áleýmettik salada atqarylatyn utymdy jobalardy aıqyndap, olardy júzege asyrýdyń tıimdi joldaryn kórsetti. Bul jumystarǵa kólemdi qarajattyń bólinetinin de jetkizdi. Elbasynyń sezde bergen tapsyrmalaryn sapaly ári ýaqytyly oryndaý úshin barsha nurotandyqtar kúsh biriktirip, birlesip jumys isteımiz dep senemin, - dedi Máýlen Áshimbaev.
Atalǵan sezde Qazaqstan Prezıdenti halyqtyń ál-aýqatyn jaqsartyp, turmys sapasyn arttyrý maqsatynda Úkimetke birqatar tapsyrma berdi. Partııa Tóraǵasy Birinshi orynbasarynyń sózine qaraǵanda, osy maqsatta Ulttyq qor men respýblıka bıýdjetinen 2 trıllıon 350 mıllıard teńge bólinedi. Bul elimizdegi ózekti áleýmettik máselelerdi sheshýge baǵyttalǵan naqty kómek ekeni sózsiz.
- Sezde Elbasy partııaǵa atalǵan bastamalardy júzege asyrýǵa belsene qatysyp qana qoımaı, bólingen qarajattyń maqsatty jumsalýy men berilgen tapsyrmalardyń oryndalý barysyna baqylaý júrgizýdi júktedi. Sonymen qatar Memleket basshysy naqty 4 partııalyq joba týraly aıtyp ótti. Olardyń birinshisi «Baqytty otbasy jobasy». Bul bastama aldymen az qamtylǵan jáne kóp balaly otbasylarǵa qoldaý kórsetý maqsatynda qolǵa alynyp otyr. Joba aıasynda partııanyń qoǵamdyq qabyldaý bólmeleri men fılıaldary arqyly muqtaj jandarǵa naqty kómek kórsetiledi. Ekinshi «Qutty meken» jobasy aldymen aýyldyq jerlerdiń ınfraqurylymyn damytýǵa baǵyttalǵan. «Aýyl - el besigi» jobasy da aýyldarymyzdy damytyp, ol jaqta jumys oryndaryn ashyp, jaıly ómir súrýge qolaıly jaǵdaı jasaýdy kózdeıdi. Tórtinshi «Halyqqa kómek» jobasy boıynsha qoǵamdyq qabyldaý bólmelerinde «Biryńǵaı áleýmettik terezeler» ashyp, halyqqa jedel ári naqty kómek kórsetýdi qolǵa aldyq, - degen Máýlen Áshimbaev Elbasynyń osy jobalarǵa mán berýi partııa úshin úlken senim men jaýapkershilik ekenin aıtty.
Sóz sońynda partııa Tóraǵasynyń Birinshi orynbasary barsha jıynǵa qatysýshylardy Alǵys aıtý kúnimen quttyqtady.
- Bul kún eldiń yntymaǵy men birligin odan ári arttyratyn zor mańyzǵa ıe. Sondyqtan barsha qazaqstandyqtardy ataýly kúnmen quttyqtap, shynaıy alǵysymdy bildiremin. Árdaıym elimiz aman, jurtymyz tynysh bolsyn, - dedi Máýlen Áshimbaev.
Aıta keteıik, partııa kúnine oraı elimiz boıynsha 3 myńnan astam qazaqstandyq partııa múshesi atandy. Astana qalasynyń ózinde ár salada eńbek etip júrgen 20 azamatqa partııa bıleti saltanatty jaǵdaıda tabys etildi. Atap aıtqanda, «Tynys» aktsıonerlik qoǵamynyń bas dırektory, Úkimettiń «Capa salasyndaǵy jetistikteri úshin» syılyǵynyń ıegeri Qaırat Qalmanbaev, «Agro Processing» jáne «Apple World» jaýapkershiligi shekteýli seriktestikteriniń bas dırektory, Almaty Urban Farm Festival, Alma Sunday, Alma Music sııaqty aýylsharýashylyq jármeńkeleri men festıvalderin uıymdastyrýshy Arsen Rysdáýletov, «Áınek-Tara» áınek zaýynyń dırektory, «Jyl kóshbasshysy-2017» ulttyq sertıfıkatynyń ıegeri, «Bıznes kóshbasshysy» syılyǵynyń laýreaty Natella Dzotsenıdze, belgili kıno jáne teatr akteri, Qazaqstannyń eńbek sińirgen qaıratkeri Ádil Ahmetov, «OLIMPIONIK - Áleýmettik qory» qoǵamdyq qorynyń quryltaıshysy Zeınolla Aqan, jeke kásipker Lıýdmıla Nesıaeva, jas ǵalym, kásipker, mýzykant, «BIOV» qaýipsizdik tehnıkalary júıesiniń avtory Ámir Qýat, dırıjer, Qazaq ulttyq óner ýnıversıtetiniń ánshi-kontrtenory.
Halyqaralyq baıqaýlardyń laýreaty Batyrjan Smaqov, «Lıter» respýblıkalyq qoǵamdyq-saıası gazeti bas redaktorynyń orynbasary Jannat Oıshybaeva, Qazaqstannyń 100 jańa esimi baıqaýynyń jeńimpazdary: Bolat Sultanqulov, Almaz Ibragımov jáne Ǵalym Nurlanov, «Altyn adam» tigin fabrıkasy dırektorynyń orynbasary Álııa Otarova, balalarǵa arnalǵan kıimder shyǵaratyn «MIMIORIKI» tuńǵysh qazaqstandyq brendtiń art-dırektory Maıa Jumanbekova, «NPP Kazakh Osseter» jaýapkershiligi shekteýli seriktestiginiń dırektory Tursyngúl Jaqypova, Qazaqstannyń eńbek sińirgen qaıratkeri, belgili telejúrgizýshi Qaragóz Súleımenova, Kostenko atyndaǵy shahtanyń jumyskeri, akrobatıkadan Álem kýbogy men Azııa chempıonatynyń júldegeri Danıel Dıl, «Jańǵyrý joly» Qazaqstan halqy Assambleıasy jastar qanaty Astana qalalyq shtabynyń jetekshisi Natalıa Karageýr, «Arý-Tas» beton buıymdaryn shyǵarý zaýytynyń dırektory, «Daryn» memlekettik syılyǵynyń laýreaty Bekjan Álimqulov jáne «Habar» agenttigi» aktsıonerlik qoǵamy Basqarma tóraǵasynyń birinshi orynbasary Rınat Kertaev «Nur Otan» partııasynyń múshesi atandy.
Іs-shara sońynda partııa ardagerleri sóz alyp, partııanyń qalyptasý kezeńi týraly aıtty. Sondaı-aq olar jastarǵa bata berip, eldik múdde jolyndaǵy isterine tabys tiledi.
