Bir kúnde 3 myńǵa jýyq adam qar qursaýynan qutqaryldy – TJK
NUR-SULTAN. QazAqparat –Elimizde qar qursaýynda qalǵan 2929 adam qutqaryldy. Bul týraly QazAqparat TJK silteme jasap habarlaıdy.
«26-27 qańtar kúnderi aýa raıynyń qolaısyzdyǵyna baılanysty jolda qalǵan 2929 adam qutqaryldy, onyń 289-y bala. Qar qursaýynan 1927 kólik shyǵaryldy. Avarııalyq-qutqarý jumystaryn júrgizýge 925 jeke quram men 613 birlik tehnıka jumyldyryldy», - delingen Komıtet taratqan habarlamada.
Eske salsaq, buǵan deıin elordada aqtútek boranǵa baılanysty TJD eskertý jasady. Sondaı-aq, aýa raıynyń qolaısyzdyǵyna baılanysty áýejaıdaǵy barlyq reıster belgisiz ýaqytqa toqtatyldy.Astanalyq Polıtsııa departamentiniń bastyǵy Erjan Sádenov, qalalyq TJD bastyǵy Baýyrjan Syzdyqov jáne Nur-Sultan qalasy ákiminiń orynbasary Altynbek Qaısaǵalıev aýa raıynyń nasharlaýyna baılanysty Nur-Sultan turǵyndaryna úndeý jasady. Olar jumys berýshilerge 2020 jyldyń 27 qańtaryna jumys kestesin qaıta qarap, qysqartýǵa keńes berdi.
Odan bólek, buǵan deıin Nur-Sultanda qoqys tasıtyn kólikter qardyń qalyń túsýi sebepti konteınerlerge jete almaı jatqanyn da jazǵan bolatynbyz.
