Bir kún ishinde 289 quqyqbuzýshy ákimshilik jaýapkershilikke tartyldy
ASTANA. QazAqparat - 2014 jyldyń 28-30 qazan kúnderi aralyǵynda Elbasymyz N.Á. Nazarbaevtyń tapsyrmasyn oryndaý maqsatynda QR ІІM Kóliktegi ishki ister departamentiniń qyzmet etý aýmaǵynda «Tártipsizdik pen quqyqbuzýshylyqqa múldem tózbeýshilik» atty respýblıkalyq keń aýqymdy aktsııa ótýde, dep habarlaıdy Kóliktegi ІІD baspasóz qyzmeti.
29 qazan kúni reıdtik shara barysynda «Ereımentaý-Kókshetaý» jáne «Astana-Qaraǵandy» baǵytyndaǵy jolaýshylar poezy tekserilip, Astana stantsııasynyń 10-aýdanynda azamattardyń temir jol boıyndaǵy belgilenbegen jerlerden ótýiniń, jaraqat alýynyń, jolaýshylar poezyndaǵy shuǵyl tejeý jáne tereze syndyrýdyń aldyn alý boıynsha is-sharalar júzege asyryldy. Sondaı-aq temir jol vokzalyndaǵy usaq quqyqbuzýshylyqty boldyrmaý jumystary júrgizildi. Máselen, reıd kezinde temir jol boıyndaǵy belgilenbegen jerden ótken Astana qalasynyń 50 jastaǵy turǵyny ustalyp, QRÁQBtK 439 babynyń 5 bólimine sáıkes ákimshilik jaýapkershilikke tartyldy.
Reıdtiń alǵashqy kúninde Kóliktegi ІІD qyzmet kórsetý aýmaǵynda 289 quqyqbuzýshy ákimshilik jaýapkershilikke tartyldy. Onyń 26-sy usaq buzaqylyq jasaǵandar, 63-i qoǵamdyq oryndarda ishimdik ishken, 34-i tyıym salynǵan jerlerde shylym shekken, sonymen qatar túngi ýaqytta úlkenderdiń qaraýynsyz júrgen 4 kámeletke tolmaǵan jasóspirim anyqtaldy.
Kóliktegi ІІD qyzmet kórsetý aýmaǵynda Departament qyzmetkerleri temir jolǵa jaqyn turatyn turǵyndarmen 42 kezdesý ótkizilip, quqyq buzýshylyqqa «múldem tózbeýshilik» prıntsıpiniń negizinde atqarylyp jatqan jumystardyń mańyzdylyǵyn túsindirdi.
