Bir kún demalamyz
ASTANA. 25 tamyz. QazAqparat - Qazaqstanda Konstıtýtsııa kúnin toılaýǵa baılanysty demalys kúni qoldanystaǵy «Merekeler týraly» zań boıynsha basqa kúnge aýystyrylmaıdy. Bul jaıynda «Aıqyn» basylymy búgingi sanynda jazyp otyr.
«Qazaqstan Respýblıkasyndaǵy ulttyq jáne memlekettik merekeler atap ótiletin kúnder Qazaqstan Respýblıkasynyń eńbek zańdaryna sáıkes mereke kúnderi dep tanylady. Qazaqstan Respýblıkasyndaǵy mereke kúnderi jumys istemeıtin kúnder bolyp tabylady», - dep kórsetilgen «Merekeler týraly» zańnyń 5- babynda.
Osy bapta demalys jáne mereke kúnderi sáıkes kelgen jaǵdaıda merekeden keıingi jumys kúni demalys kúni bolady dep kórsetilgen. Qazaqstanda Konstıtýtsııa kúni - 30 tamyz memlekettik mereke bolyp tabylady. Bıyl ol beısenbige saı keledi, demek, demalys kúnderi aýystyrylmaıdy. Sondyqtan biz bir kún demalyp, kelesi kúni qaıtadan jumysqa shyǵamyz.
