Bir kózinen aıyrylǵan boıjetkenniń emine 5 kún ishinde 7 mln teńge jınaldy
Asqarova Rımma Oralbekqyzy 1997 jyly maýsymnyń 5-shi juldyzynda dúnıege kelgen. 2009 jyly jaramsyz otshashýdyń kesirinen sol jaq janaryna zaqym kelip, betki qabatyn kúıik shalǵandyqtan, kózi kórý qabiletinen aıyrylady. Rımma ótken 2017 jylǵa deıin Qazaqstanda aqyly jáne aqysyz túrde shamamen 9 ota jasatady. Nátıjesiz otadan keıin úmitin úzgen boıjetken el kózinen tasa júrýdi jón kóredi. Sol kózin únemi shashymen jaýyp qoıady. Alaıda, dostary qoldaý bildirip, halyqtan járdem suraýǵa oı salady. Kómek suraǵandardyń ishinen Rımmaǵa alǵash qol sozǵandardyń biri áleýmettik jelidegi belsendi bloger, qaıyrymdylyq sharalarynyń uıymdastyrýshysy Aıdyn Toqsanbaeva edi.
Onyń aıtýynsha, kóziniń perdesi zaqymdanǵan boıjetkenniń qarashyǵy aman. Sondyqtan Izraılde jasalatyn keshendi otadan keıin kóziniń kórý qabileti ornyna keledi. Shetelde jasalatyn otaǵa 16 mln qarajat kerek eken.
«Rımmany ózim 5 kún ǵana tanımyn. Osy az kúnniń ishinde 7 mıllıon aqsha jınadyq. Rımma maǵan alǵash habarlasqan kezde ózinde 1 jarym mıllıondaı boldy. Áleýmettik jelide jazba jarııalap, sharalar uıymdastyrdyq. Men burynnan mundaı sharalardy uıymdastyryp júrgen soń halyq senim artyp, atsalysty. Qulpynaıdyń jáshigin 2500 myńǵa alyp, 7000 ǵa satyp, jetkizip berdik. Bir otbasy bir jáshik qulpynaı satyp alyp, balarynyń kopılkasyn qosyp berdi. Onyń ishinen 25 myń teńge aqsha shyqty. Bir kisi Feısbýkten jazbamdy oqyp, júz myń teńgesin Rımmaǵa aparyp berdi. Keshe Rımmanyń týǵan kúninde ortalyq meshit aldynda qulpynaı sattyq. Adamdar táttisin, syıyn usynyp qyzymyzdyń kóńilin kóterdi. Shelek eldi mekeniniń oqýshy balalary kóshede júrip qaıyrymdylyq aktsııasyn júrgizip, 100 myń teńgedeı jınap berdi. Budan bólek ózimiz kóshede óleń aıtyp, ortalyq saıabaqta júrip 200 myńdaı aqsha jınadyq, búgin sanaǵanymyzda barlyǵy 8 500 000 mıllıondaı jınalyp tur», - dedi bloger.
Qaıyrymdylyq sharasyn uıymdastyrýshy emge qajetti qarajattyń qalǵan jartysyn oraza aıynyń sońyna deıin jınaıtyn nıeti bar ekenin aıtty.
«Aldaǵy ýaqytta qaıyrymdylyq toıyn uıymdastyrmaqpyz. Bizge tegin toıhana berileıin dep jatyr. Azyq túligimizdi aparsaq, sol jerdegi aspaz tamaqty tegin jasap bermek. Bıletterdi satyp, jınalǵan aqshaǵa qosamyz. Ramazan aıy aıaqtalǵansha birneshe shara uıymdastyryp, qajetti somany shyǵaramyz degen oıdamyz», - dedi Aıdyn Toqsanbaeva.
Kómek qolyn sozyp, qaıyrymdylyq tanytamyn deýshilerge Rımma Asqarovanyń jeke esepshottaryn usynamyz.
Qiwi:+77076566563
Kaspi Gold: 5169 4931 0114 9113
IIN: 970605400709
Qosymsha suraqtarmen Aıdyn Toqsanbanyń jeke nómirine habarlasýǵa bolady: 8-701-066-66-55
