Bir kózden satyp alýǵa múmkindik beretin 52 negizdemeniń úsheýi joıyldy

NUR-SULTAN. QazAqparat – Básekelestikti qorǵaý jáne damytý agenttiginiń memlekettik satyp salasyndaǵy bir kózden satyp alý tetigine jol beretin negizdemelerdi 50 paıyzǵa qysqartý týraly usynysy memlekettik organdar tarabynan qarsylyqqa tap bolǵan, dep habarlaıdy QazAqparat tilshisi.

Bul týraly agenttik tóraǵasy Serik Jumanǵarın «QazAqparat» halyqaralyq aqparat agenttiginiń alańynda ótken Orep Space kezdesýde aıtty.

«Biz eń aldymen monopolııaǵa qarsy zańnamaǵa ózgerister men túzetýler engizýge kiristik. Jýyqta Parlamentke besinshi paketin ótkizemiz. Eń áýeli bir kózden satyp alýǵa jol beretin negizderdi qysqartýǵa mán berdik. Olardyń sanyn 52-den 25-ke deıin túsirgimiz keldi. Memlekettik organdardyń tarabynan qasarysqan qarsylyq sezindik. 17 negizdemeni múldem alyp tastaǵymyz kelgen. Biraq tek úsheýi ǵana alyp tastalyndy. Bul alǵashqy qadamdar deýge bolady. Bári birden bola ketpeıtini túsinikti», - degen agenttik basshysy budan bólek 6 negizdeme boıynsha eleýli shekteýler engizilgenin atady.

«Esesine biz ózimiz usynǵan 8 negizdemeniń ishinde 6 negizdeme boıynsha bir kózden satyp alý múmkindigin shekteı aldyq. ıAǵnı, bu jerde bir kózden satyp alýǵa ruqsat berýdi bizdiń agenttik bekitedi. Al bizdiń agenttik ondaıǵa óte sırek ruqsat beredi.

Sonda 3 negizdemeni múlde joıyp, 6 negizdeme boıynsha shekteý qoıý arqyly jylyna 50 mlrd teńgeni únemdeýge múmkindik jasadyq. Únemdedik degende, bul qarajat básekeli ortaǵa beriledi. Az aqsha emes, árıne», - deıdi Serik Jumanǵarın.