Bir kórgennen ǵashyq bolý múmkin be - VVS
NUR-SULTAN. QazAqparat - Bir kórgennen ǵashyq bolý múmkin be? VVS basylymyndaǵy maqalada ǵalymdar osy máselege nazar aýdarǵan, dep habarlaıdy QazAqparat.
Bir kórgennen oı qalyptastyrý kúrdeli ǵylymnyń bir bólshegi sanalady. Sebebi bul nevrologııalyq protsess jáne ony baqylaý óte qıyn. VVS basylymynyń jazýynsha, bir kórgennen paıda bolǵan mahabbat týraly kóp aıtylǵanymen, sezim tereńdigi týraly baǵa berý múmkin emes.
«Bir kórgen adam týraly pikir qalyptastyrý úshin 1/10 sekýnd jetkilikti. Degenmen, bul sezim únemi durys bola bermeıdi», dep jazady basylym.
Prınston ýnıversıteti professorlarynyń aıtýynsha, bir kórgennen paıda bolatyn sezim adamdy adastyrýy múmkin.
«Bir kórip, adam týraly tolyq aıtýǵa tyrysýdyń ózi kúlkili. Bir kórgen tanys emes adam týraly biz pikir aıtamyz jáne ol kóp jaǵdaıda ústirtin dúnıe», - deıdi ol. Professordyń aıtýynsha, mahabbattyń bar joǵyn tek áńgilemesý arqyly bilýge bolady.
