Bir kezdesýde bes fýtbolshyny aýystyrý erejesi turaqty negizde qabyldandy – IFAB
NUR-SULTAN. QazAqparat - Halyqaralyq fýtbol assotsıatsııasy keńesi (IFAB) kezdesý barysynda bes oıynshyny aýystyrý erejesi turaqty negizde qabyldandy, dep habarlaıdy QazAqparat tilshisi.
Aıta ketsek, bul ereje 2020 jyly mamyrda pandemııa jaǵdaıyna baılanysty qabyldanǵan edi. Osydan keıin komandalar oıyn barysynda bes oıynshyny almastyrýǵa múmkindik aldy. Oǵan deıin kezdesýde nebári úsh fýtbolshy ǵana almasatyn.
Jańa ereje boıynsha komandalar bes oıynshyny úsh márte ǵana aýystyra alady. Sondyqtan bir sátte bapkerler birden 2-3 fýtbolshyny jasyl alańǵa shyǵarady.
«Bul sheshim álemniń fýtbol qaýymdastyǵy tarapynan úlken qoldaý tapty. Sondyqtan osyndaı uıǵarym jasaldy», - dep jazylǵan atalǵan uıym taratqan habarlamada.
Alǵashqyda ol 2022 jyldyń aıaq shenine deıin qoldanysta bolatynyn kórsetilgen.
Eske salsaq, fýtboldan UEFA Ulttar lıgasynda Qazaqstan Slovakııany ekinshi márte jeńdi.
