Bir ǵasyr buryn bótelkege salynǵan hat tabyldy
ASTANA. QazAqparat - Bir ǵasyrdan astam ýaqyt buryn bótelkege salynǵan eski hat ıesin tapty. Atalmysh hat teńizge osydan 101 jyl buryn laqtyrylǵan kórinedi. Bul týraly Gambýrgtegi Halyqaralyq teńiz murajaıy habarlady, dep jazady Reseılik jańalyqtar qyzmeti.
Atalǵan hatty jiberýshiniń nemeresi - 62 jastaǵy Angela Erdman aldy. Hattyń ıesi naýbaıshynyń 20 jasary uly Rıharts Platts bolyp shyqty. Erdman anasy jaǵynan naǵashy atasyn buryn bilmegen eken. Hat salynǵan bótelkeni sýdan nemis balyqshylarynyń biri shyǵaryp aldy. Qaǵazdyń biraz bóligin oqý múmkin bolmady. Sııa ýaqyt tabymen ylǵaldyń áserinen óshińkirep ketken. Degenmen salystyrmaly saraptama bul hattyń avtory Platts ekenin qýattady.
Gambýrgtegi teńiz murajaıyna kelýshiler bul oljany 1 mamyrǵa deıin kóre alady. Sodan keıin mamandar ashyq hatqa jazylǵan mátinniń qalǵan bóligin anyqtaýǵa tyrysady. Rıhard Plattstyń osy hatyna deıin Gınnestiń rekordtar kitabyna sáıkes, 1914 jyly jazylǵan hat álemdegi eń ejelgi dep eseptelip keldi. Ol hat teńizde 98 jylǵa jýyq jatqan bolatyn.
