Bir ǵana karateden 22 federatsııa bar – senator sport uıymdarynyń máselesin kóterdi
«Buryn balalar men jasóspirimderdiń jylyna qansha jarysqa qatysýyna bolatyndyǵyn retteıtin normalar bolǵan. Qazirgi ýaqytta elimizde mundaı normalar qabyldanbaǵan. Osyndaı jaǵdaılar federatsııalardyń óz betimen ashylyp, jumys istep jatqandyǵy da áseri. Elimizde bir ǵana karateden biz biletin – 22, taekvondodan – 6, aralas jekpe-jekten 4 respýblıkalyq federatsııa bar», - dedi Ǵalıasqar Sarybaev.
Depýtat osyǵan baılanysty balalar aǵzasynyń erekshelikterin eskere otyryp, tárbıe-jattyǵý ádistemelerin daıyndaýdy usyndy. Senator sonymen qatar, mektepterde, kolledjderde jáne joǵary oqý oryndaryndaǵy sport federatsııalarynyń rólin kúsheıtýdi, sondaı-aq kásibı sport klýbtaryn, barlyq sport túrleriniń sportshylaryn, sport túrleri federatsııalaryndaǵy jattyqtyrýshylar men tóreshilerdi tirkeý kerektigin jáne olardyń qyzmetin lıtsenzııalaýdy qamtamasyz etýdiń mańyzdylyǵyn atap ótti.
