Bir ǵana aryz-shaǵym úshin sýdıalar óz oryndarynan aıyrylýy múmkin
ANA. 8 shilde. QazAqparat /Arman Asqarov/ - Joǵarǵy sotqa aryzdanǵan azamattar oblystyq sottardyń nemquraıly jumysy týraly jıi aıtyp jatady.
Búgin 2011 jyldyń birinshi jartyjyldyǵyn qorytyndylaýǵa arnalǵan sýdıalardyń keńeıtilgen otyrysynda QR Joǵarǵy sot tóraǵasy Bektas Beknazarov osy máselege basa nazar aýdardy.
«Bálkim, sizderge kelgen adamnyń oıy qate shyǵar. Oǵan qaramastan, biz ol adamǵa kómektesýimiz qajet. Biz - joǵary áleýetti zańgermiz. Sondyqtan biz azamatttarǵa máseleniń mánisin túsindire alýymyz qajet. Aldaǵy ýaqytta men halyqtyń aryzdaryna atústi qaraý oqıǵalaryna basa nazar aýdaratyn bolamyn. Bir-aq aryz-shaǵym úshin sizder óz oryndaryńyzdan aıyrylatyn bolasyzdar, qurmetti sot jetekshileri, oblystyq sot jáne sot alqalarynyń tóraǵalary. Eger naqty qandaı da bir jaýapsyzdyq oqıǵasy oryn alatyn bolsa, men Joǵarǵy sot keńesi men sot jıýrıi aldynda bul máseleni qoıatyn bolamyn», - dep atap kórsetti B.Beknazarov.
