Bir epızody Shymkentte túsirilgen «Top Gear» baǵdarlamasy naýryzda kórsetiledi
ASTANA. QazAqparat - Brıtandyq BBC telearnasy "Top Gear" baǵdarlamasynyń túsirý toby Shymkent qalasynda boldy. Munda olar tanymal brıtandyq telebaǵdarlamanyń bir epızodyn túsirdi jáne ol naýryz aıynda kórsetiletin boldy, dep habaralaıdy QazAqparat tilshisi.
«Túsirilim óte tabysty ótti», - deıdi baǵdarlama redaktory Aleks Renton.
Ol Shymkent ákimi Ǵabıdolla Ábdirahymovqa fılmdi túsirý barysyndaǵy eń áserli epızodtar Ońtústik Qazaqstan oblysynda, onyń ishinde shyraıly Shymkent qalasynda túsirilgenin aıtyp, osy túsirilimge qoldaý kórsetkeni úshin alǵys bildirdi.
"Top Gear" eń tanymal brıtandyq telebaǵdarlamalardyń biri bolyp tabylady. Bul baǵdarlama 1977 jyldan bastap shyǵaryla bastaǵan. 350 mıllıonnan astam resmı aýdıtorııasy bar. Efırdegi kórsetilim uzaqtyǵy - shamamen 60 mınýt. Qurylǵannan beri "Emmı" jáne taǵy basqa televızııalyq marapattardyń ıegeri atanǵan.
Álııa Bostan
