«Bir el - bir kitap» aktsııasy aıasynda Júsipbek Aımaýytovtyń «Aqbilek» romany nasıhattalady
ASTANA. 27 qyrkúıek. QazAqparat - 29 qyrkúıek kúni Astana qalasyndaǵy Qazaqstan Respýblıkasy Ulttyq akademııalyq kitaphanasynda «Bir el - bir kitap» aktsııasy aıasynda Júsipbek Aımaýytovtyń «Aqbilek» romany oqyrmandar nazaryna usynylady.
Pikirtalas túrinde ótetin jıynǵajazýshy, dramatýrg, Memlekettik syılyqtyń ıegeriÁkim Tarazı, fılologııa ǵylymdarynyń doktory, professor, jazýshy, ǵalym Tursyn Jurtbaı, belgili aqyn Serik Turǵynbekuly, fılologııa ǵylymdarynyń doktory, EUÝ-diń qazaq fılologııasy fakýltetiniń oqytýshysy Tazagúl Ábdikárimova, «Álem ádebıeti» ádebı-kórkem jýrnalynyń redaktory, jazýshy Keńes ıÝsýpov jáne basqa qalamgerler shaqyrylǵan.
Sondaı-aq Astanadaǵy Qazaq Ulttyq Óner akademııasynyń akterler bóliminiń stýdentteri, №37 mektep-lıtseıiniń oqýshylary, oblystyq daryndy balalarǵa arnalǵan mamandandyrylǵan mektep-ınternattyń shákirtteri jáne Astana qalasy mektepteriniń qazaq tili men ádebıeti pániniń ustazdary qatysady dep kútilýde.
«Aqbilek» romanyndaǵy Aqbilek beınesinen kórinis kórsetilmek.
Bul sharany QR Mádenıet mınıstrligi men Ulttyq akademııalyq kitaphana uıymdastyryp otyr.
«Bir el - bir kitap» aktsııasy barysynda «Dıalog» zalynda J. Aımaýytovtyń «Aqbilek» romany boıynsha «Bir el - bir kitap» aktsııasyna arnalǵan kitap kórmesi ornalasqan.
Bul sharanyń maqsaty - Júsipbek Aımaýytovtyń baı murasyn nasıhattaý, ulttyq ádebıetimizdi ulyqtaý, sol arqyly jas urpaq boıyna patrıottyq sezimdi sińirý.
