«Bir el - bir kitap» aktsııasy aıasynda jurtshylyq qazaqtyń kórnekti qalamgeri Oralhan Bókeıdiń shyǵarmalaryna den qoıýda

«Kitap oqý - bilimdiliktiń kórsetkishi, mol kitap qory - baqýattylyqtyń bel­gisi. Abaı «Artyq bilim - kitapta» dep aıtty. Kitap - belgili bir dáýir, ýaqyt alǵa qoıyp otyrǵan kókeıkesti máseleleri týraly parasatty júrektiń rýhanı tolǵanysy, andyzdaǵan oıy, aqshańqan sezimi, erýdı­tsııasy, dúnıege kózqarasy», dep jazady  «Alash aınasy» gazeti senbilik sanynda jaryq kórgen «Oralhanǵa oralý» degen taqyryptaǵy maqalasynda.

«Qaıdasyń, qasqa qulynym?» povesin oqyp otyrǵanda, talaı ulylardy dúnıege ákelgen qasıetti jer, shyǵystyń baıly­ǵyna qana túsip, talaı ǵasyr kýási bolǵan shejireli Altaı taýlarynyń baýraıyna taban tirep turǵandaı, zańǵar shyńdaryna kóz tigip turǵandaı áserge bólenesiń. Áke tárbıesi, otbasy qundylyǵy, úlkenge qurmet, amanatqa adaldyq, baılyqqa kózin satpaıtyn adamı qasıetti - qazaq­tyń qanyna sińgen qasıetti shyǵarmany oqı otyryp qana kórýge bolady. Bul shyǵarma shoqtyǵyn tek bıiktete túsedi. Naǵyz jazýshy óz zamanyndaǵy áleýmet­tik-saıası, fılosofııalyq, estetıkalyq oı-sana, bilim, tanym, ıdeıalardyń bıigin­de turýǵa tıis, endeshe, jazýshy osy úde­den shyǵa alǵan dep oılaımyn. Óskeleń urpaq boıyna týǵan jer qasıetin sińirý úshin, týǵan tiliniń, dininiń qadirin uǵyn­dyrý úshin, onyń salt-dástúrin, ádet-ǵurpyn óltirmeı, atanyń jaqqan shyra­ǵyn óshirmeı otyrý úshin kitaptyń berer paıdasy ushan-teńiz. 

Bir jazýshynyń bir shyǵarmasy nemese kitabyn tańdap alyp, ony búkil el bolyp oqý tájirıbesi - HH ǵasyr jańa­lyǵy. Mundaı aktsııa eń alǵash Japonııada qolǵa alynǵan ári kúni búginge deıin damyǵan elderde óz jalǵasyn taýyp keledi. Bizdiń elimizde bıylǵa deıin osy aktsııa aıasynda aqyn-jazýshylardyń shyǵarmalaryn el bolyp oqý turaqty qolǵa alynǵan.