Bir donor bes adamnyń ómirin qutqara alady - Ulttyq ǵylymı kardıohırýrgııa ortalyǵy
ASTANA. 27 qyrkúıek. QazAqparat - Búginde bir donor bes birdeı adamnyń ómirin saqtaı alady. Búgin jýrnalısterge suhbat bergen «Ulttyq ǵylymı kardıohırýrgııa ortalyǵy» AQ basqarma tóraǵasynyń birinshi orynbasary Mahabbat Bekbosynova osylaı málim etti.
«Negizi, búginde bir donor, ıaǵnı deni saý adam qaıtys bolǵanda, onymen birge, kem degende, úsh adam o dúnıelik bolyp jatady. Nege? Sebebi olardyń bireýine júrekti, ekinshisine - búırek, ol búırekti eki adamǵa da salýǵa bolady. Sosyn onyń baýyry men uıqy bezi taǵy eki adamdy ajaldan arashalaı alady. Demek, búginde bir donor bes birdeı adamnyń ómirin qutqarmaq», - deıdi M.Bekbosynova.
Mamannyń aıtýynsha, qaıtys bolǵan adamnyń organdaryn donor retinde qoldaný úshin jaqyn týǵan-týystardyń kelisimin alǵan durys. «Degenmen, ondaı jaǵdaılarda kóz jumǵan adamnyń týystary bir kelisimge kele almaı, uzaq keńesip jatady. Al ol kezde ýaqyt ótip, donordyń organdary jaramaı qalady. Ony der kezinde alý qajet», - deıdi M.Bekbosynova.
