Bir dóńgelekti velosıped jasaldy
ASTANA. QazAqparat - Adamdar velosıped jasap shyǵarýdy eshqashan qoımaıtyn shyǵar. Osy qanatty sózdiń jany bar.
Shotlandtyq Inverness qalasynan fızık-ǵalym Manýel Alvares-Ikasa jurtshylyqqa óziniń jańa ónertabysyn - rýli men pedali joq bir dóńgelekti velosıpedin usyndy, dep habarlady Day.Az Mignews saıtyna silteme jasap. Ónertapqysh óziniń bul jasalymy búkil álemde bolashaqtyń kóligi retinde moıyndalatynyna senimdi. Onyń aıtýynsha, "Velofeet" velosıpedin tebýdi serýenge shyqqan alǵashqy kúni-aq úırenip alýǵa bolady. Ol úshin otyrǵyshqa otyryp, asfalttan aıaǵymen demep jiberse boldy. "Velofeet" áleqaıda yńǵaıly. Ol óte qarapaıym jáne ony basqarýdy tez úırenýge bolatyny - basty artyqshylyǵy bolmaq. Kádimgi velosıpedtiń problemasy kóp. Ony tastap ketseń, bireýler minip ketýi múmkin. Al muny kóterip alyp ketýge bolady, - deıdi Manýel Alvares-Ikasa.
