Bir bótelke sharap úshin otstavkaǵa ketti
ASTANA. QazAqparat - Avstralııadaǵy Jańa Ońtústik Ýels Barrı shtatynyń premeri sybaılas jemqorlyqqa qarsy tergeý sharalary barysynda alǵan syılyqtary týraly jalǵan aqpar bergeni úshin otstavkaǵa ketti.
Bul týraly VVS Orys qyzmeti habarlady.
O'Farrell 2011 jyly óziniń atynan jazylǵan jazba hatynyń tergeý organdarynyń qolyna túskendigin bilgennen keıin osyndaı sheshim qabyldaǵan. Ol jazbada baǵasy 2,8 myń dollar turatyn bir bótelke sharapqa baılanysty rızashylyǵyn bildirgen. Saıasatkerdiń aıtýynsha, mundaı syılyq alǵandyǵy esinde qalmaǵan.
Eldiń Premer-Mınıstri Tonı Ebbot: «O'Farreldiń otstavkasy osyndaı deńgeıdegi avstralııalyq saıasattaǵy asa sırek kezdesetin adaldyqtyń úlgisi», - dep málimdedi.
