Bir-birine soqtyǵysqan eki ushaqtyń vıdeosy jarııalandy

ASTANA. QazAqparat - Jelide Hartýma áýejaıynda Sýdan áýe-áskerı kúshteriniń An-32 jáne An-26 ushaqtarynyń soqtyǵysqan sáti túsirilgen vıdeo jarııalandy, oqıǵanyń egjeı-tegjeıin jergilikti Sudan Tribune portaly habarlaǵan.

Beınejazbada ushaqtardyń biri ekinshisin qýyp jetip, oǵan qalaı soǵylǵany kórinip tur. Bir qyzyǵy, áýe kemesiniń ekeýi de bir ushyp-qoný jolaǵynan  ushqan.

Sondaı-aq vıdeodan eki ushaqtyń ta qatty zaqymdanǵany baıqalady.

Sudan Tribune málimetterinshe, oqys oqıǵa saldarynan Hartýma áýejaıy birneshe saǵatqa jabylǵan. Sýdan eliniń ÁÁK bolǵan oqıǵaǵa esh túsinikteme bermedi, qaza tapqandar men zardap shekkender týraly da habarlanbaı otyr.