Bir-birine múldem uqsamaıtyn egizder (FOTO)
ASTANA. QazAqparat - Lıýsı men Marııa Eılmer - egiz. Bul erekshe qyzdar 1997 jyldyń qańtar aıynda dúnıege kelgen. Analary Donna - ıamaıkalyq, al ákeleri - aq násildi, dep jazady ofigenno.cs saıty.
«Biz dúnıe esigin ashqanda, anamyzdyń tańdanysynda shek bolmaǵan. Sebebi terimizdiń túsi sııaqty balanyń erekshelikteri júktilik kezinde ÝDZ arqyly belgili bola almaıdy ǵoı, - deıdi Lıýsı. - Anamyz tipti ekeýimizdiń eki túrli bolyp jaryq dúnıege keletinimizdi úsh uıyqtasa da túsinde kórmegen shyǵar. Biz týylǵan sátte medbıke anamyzdyń qolyna bizdi ustatqanda, tilinen aıyrylyp qala jazdapty».
«Eshkim de bizdiń egiz ekenimizge senbeıdi. Sebebi men - qaramyn, al Lıýsı - aq, - deıdi Marııa.
- Birdeı kıingenniń ózinde de egiz túgili, apaly-sińlilerge de uqsatpaıdy. Basqa adamdarmen tanysqan kezde olar bizden dálel retinde jeke kýálikterimizdi suraıdy». Qyzdardyń shyqqan januıasy kishkentaı emes, olardyń eki aǵasy men ápkesi bar. Kóbi qyzdardyń ata-anasynyń bir bolǵanyna múldem senbeıdi eken. Apaly-sińliler kishkentaı bolǵanda aınaladaǵy adamdar olardy osy «ertegini» ózderi quryp alǵan jaqyn qurbylar dep oılaǵan kórinedi. Qazir apaly-sińliler eki túrli kolledjde oqıdy. Marııa Cheltnemde quqyqtaný mamandyǵyna oqyp júrse, Lıýsı Glosterde beıneleý óneriniń qyr-syryn tanyp-bilýde. Alaıda osyǵan qaramastan, olar - bir-birine uqsamaıtyn múldem eki túrli jandar, dep habarlaıdy 24.kz .
