«Bir beldeý – bir jol» Qazaqstanǵa qandaı paıda ákeldi – sarapshy pikiri
Onyń aıtýynsha, Qazaqstan men Qytaıdyń «Bir beldeý – bir jol» birlesken bastamasy aıasynda jemisti nátıjeler baıqalyp keledi. «Bir beldeý – bir jol» bastamasy kóterilgen 6 jyl ishinde eki el arasynda Jibek joly ekonomıkalyq beldeýin qurý men Nurly jol Qazaqstannyń ekonomıkalyq saıasatyn toǵystyrý jospary kózdelgen.
«Osy oraıda, bizdiń yntymaqtastyqtyń eń jarqyn sátterin atap ótkim keledi. Eń aldymen aýyl sharýashylyǵy ónimderi boıynsha qarqyndy damýǵa qol jetkizdik. Ekinshi sát – tranzıttik tasymal mysalynda ózara sabaqtastyq nyǵaıtyldy. Úshinshiden, ınnovatsııalar men tehnologııalar qozǵaýshy kúshi bolyp tabylatyn óndiris qýattylyǵy boıynsha yntymaqtastyqty turaqty damytyp kelemiz», - dedi Lı Hýeı elordada ótken sarapshylar kezdesýinde.
Sonymen birge, eki el arasyndaǵy qarjylyq yntymaqtastyqty arttyrýǵa aıryqsha kóńil bólingen. Qytaılyq tarap «Astana» halyqaralyq qarjy ortalyǵynyń qurylýyn qoldaıdy jáne Jibek joly qory men Shanhaı qor bırjasy AHQO strategııalyq seriktesterine aınaldy.
«Odan bólek, eki eldiń mádenı jáne gýmanıtarlyq baılanysyn nyǵaıtýǵa asa mán berip otyrmyz. Qazir Qazaqstanda 5 Konfýtsıı ınstıtýty jumys isteıdi. Al Qytaıdyń 4 joǵarǵy oqý ornynda Qazaqstan ortalyǵy ashylǵan. Jáne ShYU aıasynda bizdiń úkimettik stıpendııalar men taqyryptyq jobalar arqyly qazaqstandyq stýdentterge qarjylaı qoldaý kórsetip otyrmyz. Ótken jyly 1,5 myń qazaqstandyq stýdent stıpendııa aldy», - dedi Lı Hýeı.
Sóz sońynda qytaılyq sarapshy «Bir beldeý – bir joldyń» qazaqstandyq tarap úshin eleýli nátıjeler bergenin atap ótti.
«Máselen, Lıanıýngandaǵy Qytaı-Qazaqstan logıstıkalyq ortalyǵy Qazaqstan úshin teńiz ben muhıtqa jol ashyp berdi. Qazaqstannyń suryptyq bıdaıy Ońtústik-Shyǵys Azııaǵa jyldam jetkiziletin boldy. Odan bólek, Qytaı-Eýropa júk poıyzy, Batys Qytaı – Batys Eýropa avtojoly Qazaqstan úshin 50 myń jumys ornyn ashty. Tranzıttik tasymaldyń ózinen Qazaqstan 4 mlrd AQSh dollary bolatyn tabys tapty. «Bir beldeý – bir joldy» birlese qurý aıasyndaǵy jemisti yntymaqtastyǵymyz maqtanýǵa turarlyq», - dedi Lı Hýeı.
