Bir azamat lıft shahtasyna qulap, ajal qushty
ASTANA. QazAqparat - Máskeýdiń soltústiginde er adam lıft shahtasyna qulap, qaza tapty. Bul týraly Reseı astanasy quqyq qorǵaý organynyń ókili habarlady, dep jazady jergilikti BAQ.
Tártip saqshysynyń aıtýynsha, senbige qaraǵan túni Horoshevsk shossesindegi 38 úıde er adam kabınasyz lıft esigi ashylǵan kezde qulap ketken. Shuǵyl jetken qutqarýshylar aýyr jaraqattanǵan azamatty «jedel járdemge» tapsyrǵan. Ol aýrýhanaǵa barar jolda kóz jumdy. Oqıǵanyń sebebi tekserilip jatyr.
