Bir aıypqa qos jaza nemese Qazaqstan aýyr atletıka federatsııasy IWF erejesine nege narazy
- Dımash Rafhatuly, IWF erejesin negizsiz retinde dáleldeı alarlyq QAAF-tyń naqty qandaı argýmentteri bar?
- Osy ýaqytqa deıin Qazaqstan aýyr atletıka federatsııasy Halyqaralyq Sporttyq Arbıtrajǵa appelıatsııaǵa berdi. ıAǵnı, bizdiń shaǵymymyz joldanyp qoıdy. Halyqaralyq zańgerlerimiz ol suraqtarǵa baılanysty jumys atqaryp jatyr. Halyqaralyq aýyr atletıka federatsııasynyń resmı saıtynda ol aqparat shyqty. Búgingi tańda osy talap boıynsha Halyqaralyq Sporttyq Arbıtrajyna appelıatsııaǵa berip otyrǵan jalǵyz memleketpiz.
Zańgerlermen keńesip otyrmyz. Olardyń kózqarasy mynadaı: eshqandaı adam balasy nemese eshqandaı ujym qylmystyq nemese azamattyq quqyq boıynsha bir kinálilikke eki ret jazalanbaýy kerek. ıAǵnı, 2008 jáne 2012 jyldary dopıng test alynǵan bizdiń sportshylarymyz búgingi kúni belgili bir ýaqytqa sporttan shettetilip, jazalanyp qoıǵan. Medaldaryn qaıta qaıtardy. Mine, sondyqtan biz de sportshylarymyzdyń ekinshi márte jazalanýyn negizsiz dep esepteımiz. Advokattarymyzdyń pikiri osyndaı. Olarmen tolyq kelisemiz.
- Tokıo Olımpıadasyna ulttyq quramadan eki sportshyny ǵana qatystyrý talaby Qazaqstanǵa ǵana qoıylyp otyr ma?
- Bul erejeler - 2020 jyly Tokıoda ótetin jazǵy Olımpıadanyń irikteý júıesi, ıaǵnı kvalıfıkatsııalyq júıesi boıynsha qabyldanǵan. ıAǵnı, 2008 jyly Beıjińde ótken jazǵy Olımpıadadan bastap 2020 jyldyń sáýir aıyna deıin 10-nan asqan, 19 nemese 30-ǵa deıingi sportshylarynan dopıng anyqtalǵan memleketter jazaǵa iligedi. Búgingi kúni tek Qazaqstan emes, kóptegen elder osy erejemen shettetilip otyr. Kórshimiz Reseı de Qazaqstanmen birge osy jazaǵa ilindi.
- Al aýyr atletıkadan Qazaqstan ulttyq quramasynyń jyldyq dıskvalıfıkatsııasy qashan, naqty qaı kúni aıaqtalady?
- Qazaqstan ulttyq quramasy aýyr atletıkadan bir jyldyq shettetý jazasy áli kúshinde. Bizben qatar, Reseı, Qytaı, Ázerbaıjan, Armenııa, Belarýs, Qytaı, Moldavııa, Túrkııa, Ýkraına bir jyldyq dıskvalıfıkatsııada. Shetteýdiń saldarynan byltyr AQSh-ta ótken Álem chempıonatyna bara almaı qaldyq. Dıskvalıfıkatsııa osy jyldyń qazan aıynyń 20-da bitedi. ıAǵnı, qazannan bastap Ulttyq quramanyń sapyndaǵy sportshylarymyzdyń barlyǵy halyqaralyq saıystarǵa qatysa alady.
- Qazaqstan aýyr atletıka federatsııasynyń joǵaryda atalǵan sheshimge qatysty appelıatsııasy qashan jáne qaıda qaralady? ıAǵnı, bul suraq boıynsha naqty sheshim qashan belgili bolady?
- Bizdiń appelıatsııamyz Shveıtsarııa eliniń Lozanna qalasynda qaralady. Qaı ýaqytta qaralatyny belgisiz.
- Qazaqstan aýyr atletıka federatsııasynyń appelıatsııasy boıynsha qanshalyqty oń sheshim shyǵatyny kútilip otyr?
- Zańgerlerdiń baǵalaýynsha múmkindikterimiz joǵary. Óıtkeni, qaıtalap aıtaıyn: sportshylar bir kinálilikke eki ret jazalanbaıdy. Ekinshiden, qazir bizdiń ósip kele jatqan jas sportshylarymyz 2008, 2012 nemese 2016 jylǵy Olımpıadalarǵa qatyspaǵan. Eshqandaı dopıngterge qatysy joq azamattarymyzdyń azamattyq quqyǵy nelikten taptalýy tıis? Nege olar 2020 jyly Olımpıadaǵa bara almaıdy? Mysaly, qazir bizde jaqsy nátıje kórsetip kele jatqan sportshylarymyz jeterlik. Olar daıyndyq ústinde. Nelikten búkil komandadan bir er jáne bir áıel sportshyny ǵana tańdaýymyz kerek? Jastar óz armandaryna qol jetkizý múmkindigine ıe bolýy kerek dep esepteımiz.
- Jalpy, Qazaqstanda aýyr atletıka sportymen kásibı túrde aınalysatyn qansha sportshy bar?
- Mádenıet jáne sport mınıstrliginiń tapsyrmasy boıynsha biz sportshylarymyzdy sanap kórgenbiz. Sol statıstıka boıynsha Qazaqstanda buryn qatysqan jáne búgin osy sportta júrgen shamamen 18 myń adam bar bolyp shyqty. Al kásibı túrde aýyr atletıkaǵa qatysyp, halyqaralyq jáne respýblıkalyq jarystarǵa qatysyp júrgen (eresekter men jasóspirimder) 6 myńǵa jýyq aýyr atlet bar.
- Suhbat bergenińiz úshin kóp rahmet. Appelıatsııa Qazaqstannyń paıdasyna sheshilsin dep tileımiz.
- Sizge de rahmet.
