Bir aıdan keıin WhatsApp mıllıondaǵan smartfonda óshedi
ASTANA. QazAqparat - Ústimizdegi jeltoqsan aıynyń sońynda WhatsApp qosymshasy mıllıondaǵan eski smartfondarda qoljetimsiz bolady, dep habarlaıdy QazAqparat.
telegraph.co.uk WhatsApp-tyń baspasóz qyzmeti taratqan habarlamaǵa silteme jasap jazýynsha, jyl sońynda WhatsApp qosymshasy Android, Windows jáne iOS operatsııalyq júıelerimen basqarylatyn telefondarda óshetin bolady. Eski smartfondar aldaǵy ýaqytta servıste ázirlenip jatqan jańa múmkindikterdi oryndaı almaıtyndyqtan osyndaı sheshim qabyldanǵan.
Atalmysh servısti Android 2.1\2.2, Windows Phone 7, sondaı-aq iPhone 3GS\iOS6 operatsııalyq júıelerimen basqarylatyn smartfondar paıdalana almaıtyny naqtylanyp otyr. Al 2017 jyldyń maýsym aıynda WhatsApp BlackBerry, sonymen qatar Symbian S40 jáne S60 fırmalyq platformalary bar Nokia telefondarynda óshetin bolady.
