Bir aıdan keıin bankrottyqqa ótinish berýge bolady
«2022 jyldyń 30 jeltoqsanynda Memleket basshysy «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» Zańyna qol qoıdy. Biraq zań resmı jarııalanǵannan keıin 60 kún ótken soń kúshine enedi. Osy oraıda qaryzy barlar 2023 jyldyń 3 naýryzynan bastap bankrottyqqa ótinish bere alady», - dedi E.Birjanov Ortalyq kommýnıkatsııalar qyzmetindegi baspasóz máslıhatynda.
Bul turǵyda ol bankrottyq týraly zań rásimderdiń úsh túrin qarastyratynyn, onda sottan tys bankrottyq, sot bankrottyǵy jáne tólem qabilettiligin qalpyna keltirý qamtylǵanyn eske saldy. Bul rásimderdi tek qaryz alýshynyń ózi ǵana bastaı alady, ıaǵnı nesıe berýshiniń boryshkerge qatysty osy rásimderdi qoldanýǵa quqyǵy joq.
«Sottan tys bankrottyqqa toqtalsaq, bul rásimdi azamattar tek bankter, mıkroqarjy uıymdary jáne kollektorlyq agenttikter aldyndaǵy boryshtar boıynsha tıisti sharttarǵa sáıkes qoldana alady. Birinshiden, olardyń aldyndaǵy qaryzy 1 600 AEK-ten aspaýy tıis. Ekinshiden, qatarynan 12 aı ishinde qaryzyna qatysty mindettemeleri ótelmegen bolsa, sondaı-aq ótinish berýshiniń múlki bolmaǵan jaǵdaıda iske asyrylady», - dedi vıtse-mınıstr.
Bul rásimdi memlekettik kirister organdary atqaratyn bolady.
Aryzdy «Azamattarǵa arnalǵan úkimet» Memlekettik korporatsııasy, ıaǵnı E-gov jáne HQKO arqyly elektrondyq nusqada tapsyrýǵa bolady. Budan basqa, «E-salyg Azamat» qosymshasy arqyly aryz berý múmkindigi iske asyrylady.
Budan buryn habarlanǵandaı, ataýly áleýmettik kómek alatyndardyń bankrottyq jarııalaýyna bolady.
Jeke tulǵany bankrot dep taný tártibi qandaı? Kimder ózin bankrot dep jarııalaı alady? Onyń saldary qandaı bolmaq? Osy jáne ózge de suraqtarǵa tolyǵyraq jaýap alý úshin QazAqparat sarapshysynyń materıalyn oqı alasyzdar.
