Bir aıdan astam ýaqyt izdestirilgen aqmolalyq tabyldy
KÓKShETAÝ. QazAqparat - Aqmola oblysynda bir aıdan astam ýaqyt izdestirilgen er adam tabyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 3 naýryz kúni Bulandy aýdandyq polıtsııa bólimine 65 jastaǵy jergilikti turǵyn habarlasqan. Er adamnyń sózinshe, áıelimen ajyrasqan 43 jastaǵy uly ata-anasymen birge turǵan. Alaıda, 4 aqpan jumysqa ketken uly úıine sol kúıi oralmaǵan.
«Er adam týystarynyń telefon qońyraýlaryna jaýap bermegendikten keshendi izdestirý sharalary qolǵa alyndy. Ol turatyn úıdiń mańyndaǵy aýlalar túgel tekserildi, kórýi múmkin kýágerler men tanystary surastyrylyp, barýy múmkin jerlerge sholý jasaldy», - deıdi vedomstvodan.
Іzdestirý sharasy nátıjesinde er adam tanysynyń úıinen tabyldy. Osyǵan oraı, tártip saqshylary azamattarǵa uzaq ýaqytqa úıden ketkende jaqyn týystary men tanystaryna eskertip otyrýǵa keńes beredi. Al jaqyndary joǵalǵan jaǵdaıda 102 telefon nómirine habarlasýǵa bolatynyn aıtady.
