Bir aıda elordaǵa ushaqpen kelgen 3 myń jolaýshy karantınge jatqyzyldy
NUR-SULTAN. QazAqparat – Elordada koronavırýspen aýyrǵan 119 adam statsıonarda em alyp jatyr. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy QazAqparat tilshisi.
«Qalada indetke shaldyqqandar sany 14 710 adamǵa jetti, onyń ishinde 14 069 adam nemese 96 paıyzy jazylyp shyqty. Qaıtys bolǵandar sany - 318 (2,2%). 119 adam statsıonarda em alýdy jalǵastyrýda. Onyń ishinde 114-i ınfektsııalyq aýrýhanada, qalǵandary karantın statsıonarynda», - dedi T. Muratov onlaın rejımde ótken koronavırýs ınfektsııasynyń aldyn alý sharalary boıynsha baspasóz máslıhatynda.
Onyń aıtýynsha, 1020 oryny bar 7 aýrýhana qyzmet jasaýda, onyń beseýi ınfektsııalyq (320 tósek), ekeýi karantındik (700 tósek).
«Jedel járdem qyzmetine qazir táýligine qala turǵyndarynan 1 500-den astam qońyraý shalynýda, sonyń ishinde úıge shaqyrtylǵandar sany 1100-den asady. Al KVI boıynsha suraqtarmen telefon shalýdyń ortasha sany 14-ke jetip otyr», - dedi basqarma basshysy.
Onyń sózine qaraǵanda, qalada 6 qazan men 5 qarasha aralyǵynda 153 reıs qabyldandy, ıaǵnı bul shamamen 18 myńǵa jýyq jolaýshy. Olardyń arasynda 3 028 jolaýshy karantın statsıonaryna jatqyzylyp, sonyń beseýinde indet anyqtaldy.
