Bir aıda bankterdiń ekonomıkaǵa nesıe bólýi 2,7 paıyzǵa artty

NUR-SULTAN. QazAqparat – Zańdy tulǵalarǵa nesıe bólý bir aıda 2,4 paıyzǵa ósti. Bul týraly QR Ulttyq bankinen málim etti, dep habarlaıdy QazAqparat tilshisi.

«Bankterdiń ekonomıkany kredıtteý kólemi bir aıda 2,7 paıyzǵa ulǵaıyp, 2022 jylǵy maýsymnyń sońynda 20 050,8 mlrd teńgeni qurady (jyldyq mánde ósý 27,5% boldy). Zańdy tulǵalarǵa nesıe bólý bir aıda 8 080,9 mlrd teńgege deıin 2,4 paıyzǵa, al jeke tulǵalarǵa nesıe berý 11 969,9 mlrd teńgege deıin 2,9 paıyzǵa artty», - delingen Ulttyq bank málimetinde.

Ulttyq valıýtadaǵy nesıe kólemi bir aıda 18 245,9 mlrd teńgege deıin 1,9 paıyzǵa ulǵaıdy. Shetel valıýtasyndaǵy nesıe 1 804,9 mlrd teńgege deıin 11,8 paıyzǵa artty.

2022 jylǵy maýsymnyń sońynda teńgedegi nesıeniń úles salmaǵy 91 paıyz (2021 jylǵy jeltoqsanda – 89,7%) boldy.

«Uzaq merzimdi nesıe bir aıda 16 599,8 mlrd teńgege deıin 2,8 paıyzǵa, qysqa merzimdi nesıe 3 451 mlrd teńgege deıin 2,1 paıyzǵa ulǵaıdy. Shaǵyn kásipkerlik sýbektilerine nesıe bólý 2022 jylǵy maýsymda 4 168,1 mlrd teńgege deıin 4,5 paıyzǵa ósti (korporatıvtik sektor kredıtteriniń jalpy kóleminiń 51,6%-y). 2022 jylǵy maýsymda banktik emes zańdy tulǵalarǵa ulttyq valıýtamen berilgen nesıe boıynsha ortasha alynǵan syıaqy mólsherlemesi 15,8 paıyz (2021 jylǵy maýsymda – 11,6%), jeke tulǵalarǵa 17,2 paıyz (16,6%) boldy», - dep atalyp ótken UB aqparatynda.

Budan buryn habarlanǵandaı, bıyl maýsym aıynda Qazaqstanda AQSh dollaryn satyp alý qarqyny báseńdedi.