Bir aıda 60 myń qazaqstandyq jumys izdep, resmı organdarǵa júginedi
«Sońǵy aılarda halyqtyń «Elektrondyq eńbek bırjasyna» qatysý qarqyny joǵarylaýda. Jyl basymen salystyrǵanda jumys berýshiler tarapynan usynǵan bos jumys oryndar sany 8,5 esege ósip otyr. Óz kezeginde jumys izdep, túıindemelerin jarııalaǵan adamdar sany 8 esege ósken. Nátıjesinde, jeti aıda 333 myń adam «Elektrondyq eńbek bırjasy» arqyly ózderine jumys tapty, onyń 57 paıyzy turaqty jumys orny», - dedi mınıstr onlaın rejımde ótken Úkimet otyrysynda.
Sonymen qatar ol qazaqstandyqtar vakansııa izdep jumyspen qamtý ortalyqtaryna da belsendi júginip jatqanyn aıtty. Orta eseppen alǵanda, aıyna 60 myń adam júgindi. Memlekettik baǵdarlamalarǵa qatysý úshin resmı jumyssyz retinde tirkelgender sany jyl basynan 8 esege artty. Al jumysqa ornalastyrý kórsetkishi 11 ese artyp otyr. Qosymsha resmı jumyssyz 50,2 myń adam Memlekettik áleýmettik saqtandyrý qorynan jumyssyzdyqqa qatysty arnaıy tólemder alýda. Olarǵa 7 aıda 5,5 mlrd teńge tólendi.
B. Nurymbetovtyń aıtýynsha, koronavırýsqa qatysty shekteýler saldarynan tabyssyz qalǵandar úshin Áleýmettik saqtandyrý qorynan eń tómengi jalaqy kóleminde tótenshe jaǵdaı kezinde (13 naýryzdan 11 mamyrǵa deıin) 4,6 adamǵa 322 mlrd teńge berildi. Al sońǵy qatańdatylǵan karantındik (5 shildeden 17 tamyzǵa deıin) sheteýlerde 2,3 mln adamǵa 174 mlrd teńge tólendi.
Budan buryn habarlanǵandaı, elimizdegi barlyq memlekettik baǵdarlamalar áleýetin eskere otyryp, bıyl 1 mln 220 myń adamdy jumyspen qamtý sharalaryna tartý josparlanǵan.
Búginde 743 myń adam osy sharalarǵa tartyldy. Onyń ishinde Eńbek baǵdarlamasyna 379 myń adam qatysýǵa nıet bildirgen. Olarǵa kásipkerlikpen aınalysýǵa 5 800 jeńildetilgen nesıe, 17 200 qaıtarymsyz grant berildi.
