Bir aıda 50 keliden astam esirtki tárkilendi - ІІM
Uzaq daıyndyq jáne birlesken jumys nátıjesinde buryn sotty bolmaǵan Jambyl oblysynyń turǵyny ustaldy. Ol esirtki ótkizý úshin basqa óńirlerge marıhýana tasymaldaǵan. Marıhýanany Jambyl oblysy Túımekent aýylynda týysqanynyń úıinde saqtaǵan jáne sol jerde ustalǵan.
«Sanktsııalanǵan tintý barysynda kúdiktiden eki uıaly telefon jáne marıhýana ótkizýden tapqan 28,5 myń teńge aqsha alyndy. Túımekent aýylynda kınologtyń qatysýymen jáne qyzmettik ıt arqyly úıdi tintý kezinde sharýashylyq úı-jaıda salmaǵy 30 kg asa marıhýana jáne 2,4 kg gashısh tabyldy. Osy oblystyń aýmaǵynda taǵy bir uqsas derek anyqtaldy. «Tátti-Sary-Qoby» tasjolynyń mańynan 49 jastaǵy Merke aýdanynyń týmasy ustaldy, polıtsııa qyzmetkerleri odan 12 kg astam marıhýana salynǵan bir qap aldy. Sondaı-aq, Pavlodar oblysynda jergilikti turǵynnyń úıiniń kireberisin tintigende salmaǵy 71 gr geroıni bar 2 orama tabyldy» delingen habarlamada.
Dástúrli esirtki túrlerimen qatar, psıhotropty zattardy taratý faktileri de bar. Osylaısha, Óskemen qalasynda esirtki ótkizý faktisi boıynsha jergilikti turǵyn ustaldy. Onyń jasyryn ornynan jalpy salmaǵy 8,3 gr psıhotroptyq zaty bar 20 polımer býmasy tabylyp, alyndy.
Jalpy apta ishinde elimizde ІІM esirtki qylmysyna qarsy is-qımyl qyzmeti esirtkiniń zańsyz aınalymyna qatysty 33 qylmysty anyqtap, tirkedi.
Polıtsııa qyzmetkerleri zańsyz aınalymnan 54 kg esirtki tárkiledi, onyń ishinde 52 kg marıhýana jáne 106,6 gr geroın, 2,4 kg gashısh jáne 16,3 gr sıntetıkalyq esirtki bar.
Aıta ketý kerek, esirtkimen kúreske azamattar da kómektese alady. Máselen, Esirtki qylmysyna qarsy is-qımyl departamentiniń WhatsApp (+77777856651) «qaýyrt jelisine» bir aıdyń ishinde esirtkiniń zańsyz aınalymy týraly 298 habarlama kelip túsken.