Bir aıda 2 myńnan astam qaraǵandylyq abattandyrý erejesin buzǵan
QARAǴANDY. QazAqparat - Qaraǵandy oblysynyń polıtsııa qyzmetkerleri abattandyrý erejelerin buzǵany úshin 2 288 tulǵaǵa qatysty eskertý jasady, sondaı-aq 15 shaǵyn kásipkerlik sýbektileriniń ákimshiligine jalpy somasy shamamen bir mıllıon teńgege hattama toltyrdy, dep habarlaıdy QazAqparat tilshisi.
12 naýryz-12 sáýir aralyǵynda Qaraǵandy oblysynyń aýmaǵynda ýchaskelik polıtsııa ınspektorlary barlyq uıymdardyń, sondaı-aq jeke sektordyń turǵyn úıleriniń aýmaqtarynda qar men turmystyq qoqystyń jınalýyna qatysty tekserý júrgizip jatyr.
Jedel aldyn alý is-sharalaryna 600-den astam adam, onyń ishinde 80 qoǵamdyq kómekshi, 39 jergilikti atqarýshy organ ókilderi jáne 19 TKSh qyzmetkeri qatysty.
Jedel aldyn alý is-sharasy júrgizilgen 23 kún ishinde abattandyrý erejelerin buzǵany úshin Qazaqstan Respýblıkasynyń Ákimshilik quqyq buzýshylyq týraly Kodeksiniń 505-babynyń 1-bóligi boıynsha 2288 adam, onyń ishinde 1953 jeke tulǵa, 315 shaǵyn kásipkerlik basshysy, sondaı-aq kommertsııalyq emes uıymdardyń 2 basshysy eskertý aldy.
Eskertý shyǵarylǵannan keıin 10 kún ótken soń obektiler qaıta tekseriledi. Kemshilikti joımaǵan adamdarǵa aqshalaı aıyppul salynyp, ákimshilik jaýapkershilikke tartylady.
