Bir aı ishinde ambýlatorııalyq qyzmetter baǵasy 4%-ǵa jýyq kóterildi

NUR-SULTAN. QazAqparat – Osy jyldyń naýryz aıynda ambýlatorııalyq qyzmetterdiń baǵasy birden 3,5%-ǵa ósti. Jyl basynan beri baǵa 6,1%-ǵa, bir jylda - 9,7%-ǵa qymbattaǵan, dep habarlaıdy QazAqparat energyprom.kz-ke silteme jasap.

Óńirlik bóliniste bir aıda Aqmola oblysynyń turǵyndaryna baǵanyń óskeni qatty bilindi — birden 9,5%-ǵa. Antılıderlerdiń úshtiginde Almaty oblysy (7,7%) jáne Almaty (6,1%) qalasy bar. Qazaqstannyń 17 óńiriniń 4-eýinde baǵalar burynǵy deńgeıde qaldy.

Jyl basynan beri baǵa Túrkistan oblysynda birden 12,5%-ǵa, Aqmola oblysynda — 9,5%-ǵa, Almaty oblysynda - 8,5%-ǵa ósti.

Aılyq dınamıkada dárigerdiń alǵashqy qabyldaýy naýryz aıynda 4,3%-ǵa, stomatologııalyq qyzmetter — 3,4%-ǵa, medıtsınalyq zerthanalar men rentgen kabınetteriniń qyzmetteri — 3%-ǵa, ambýlatorııalardaǵy maman dárigerlerdiń qyzmetteri - 2,4%-ǵa qymbattady.

Osy jyldyń naýryz aıynda dárigerdiń alǵashqy qabyldaýy el boıynsha ortasha eseppen 3,9 myń teńgeni qurady. Іri qalalar arasynda alǵashqy qabyldaý Atyraý (5,2 myń tg), Nur-Sultan (5,1 myń tg) jáne Almaty (4,9 myń tg) qalalarynda qymbat boldy. Eń arzan qyzmet Túrkistanda (2,5 myń tg).