Bir aı buryn joǵalǵan kelinshekke halyqaralyq izdeý jarııalandy - Túrkistan oblysy
Túrkistan oblysy, Saýran aýdandyq polıtsııa bólimine aryzdanǵan turǵyn 22 naýryz kúni 13:30 shamasynda aýrýhanaǵa ketken qyzy Nazym Aldashtyń qaıta oralmaǵanyn kórsetken.
Úıden shyqqanda onyń ústinde ashyq qyzǵysh tústi kúrteshe, aq tústi sporttyq shalbar, aıaǵynda qara tústi aıaq-kıim bolǵan.
Jas kelinshektiń jeke basy men túr-tulǵasy boıynsha málimetter sýretimen birge barlyq aýmaqqa joldanǵan. Túrkistandyq polıtseıler onyń barýy múmkin aımaqtardy, árbir oryndy jiti tekserip, izdeý jumystaryn kúsheıtti. Sondaı-aq, tártip saqshylary kelip túsken aqparattar boıynsha Jańaqorǵan aýdany, Taraz, Shymkent, Almaty qalalaryna issaparmen shyǵyp, izdestirýde. Sondaı-aq, halyqaralyq izdeý jarııalandy. Búginde bul jumystarǵa eriktiler de tartylyp otyr.
«Nazym Baǵdatqyzyn aman-esen taýyp, ony otbasyna qaıtarý úshin tanıtyn, ne bolmasa kórgen-bilgen adamdar bolsa tez arada polıtsııaǵa habarlasýlaryn suraımyz. Arnaıy belgileri: boıy 165-168 sm, orta deneli, moıyn tusynda qaly bar. Іzdeý jarııalanǵan kelinshek týraly qandaı da bir aqparat bolsa, Saýran APB-nyń kezekshi bólimine 8 725 33 5 86 50, 8 747 008 74 80 nemese polıtsııanyń 102 nómirine habarlasyńyzdar»,- delingen Túrkistan oblysy polıtsııa departamentiniń baspasóz qyzmeti taratqan habarlamada.
