Bir aýyldyń turǵyndary Mańǵystaýǵa 30 tonna shóp jiberdi - Atyraýda
Maqash – Reseımen shekarada ornalasqan Qurmanǵazy aýdanyndaǵy aýyldyq okrýg. Munda 3 myńǵa jýyq turǵyn bar. Aýyl turǵyndary Mańǵystaý oblysyna kómek kórsetýge bastama kóterdi.
«Atyraý men Mańǵystaý – ejelden qońsy qonǵan, tóskeıde maly qosylǵan óńirler.
Buryn bir oblystyń quramynda da boldy. Tabıǵaty da, ekonomıkasy da bir-birine uqsas.
Alaıda, bıyl kórshiles Mańǵystaýdaǵy qýanshylyq tórt túlikke qıyn bolyp tur. Bul bizdiń de janymyzǵa batty. Sol sebepten, bizdiń aýyldyń azamattary mańǵystaýlyqtarǵa kómek retinde 30 tonna orama shóp jiberýge bastama kótergen edi. Bizdiń bul bastamamyzǵa
aýdannyń, aýyldyq okrýgtiń ákimderi qoldaý bildirdi», -deıdi aýyl turǵyny Jeńis Ábilhaıyrov.
Onyń aıtýynsha, shóp daıyndaýǵa Maqash aýyldyq okrýginiń Jalǵas Sımon men Esbolat Qubashev bastaǵan 40-tan astam turǵyny, «Maqash» óndiristik kooperatıvi, úsh sharýa
qojalyǵy atsalysqan. Olar 25 kúnde árqaısysynyń salmaǵy 300 kelini quraıtyn 100 orama shóp daıyndap, kórshi oblysqa jiberdi.
Eske sala ketelik, budan buryn Atyraýda «30 ıgi is» qaıyrymdylyq aktsııasy bastalǵanyn jazǵan bolatynbyz.
