Bir áýlettiń 11 adamy sýǵa ketti: Sýdan shyǵarylǵan 3 adam aýrýhanada jatyr

TÚRKІSTAN. QazAqparat – Túrkistan oblysynda Syrdarııa sýynan tabylǵan 3 adam aýrýhanada jatyr, dep habarlaıdy QazAqparat tilshisi.

Dárigerlerdiń aıtýynsha, barshasynyń jaǵdaıylary jaqsy. Qazir qajetti em-domdaryn alyp jatyr.

«Oqıǵa kúni sýdan qutqarylǵan úsh adam aýrýhanaǵa jatqyzyldy. Olardyń biri 49 jasta bolsa, qalǵany 8 jáne 9 jastaǵy jasóspirim. Qazirgi tańda jaǵdaılary jaqsy, birqalypty. Al, odan bólek, 2 júkti áıel medıtsınalyq kómekke júgingen. Olar sýǵa túspegen, tek oqıǵadan qorqyp qalǵan. Dárigerlerdiń qaraýynan keıin úılerine qaıtaryldy» - delingen Túrkistan oblysy Densaýlyq saqtaý basqarmasynyń baspasóz qyzmeti usynǵan aqparatta.

Aıta keteıik, Túrkistan oblysynda Syrdarııaǵa shomylǵan 11 adam sýǵa batyp ketti.

Olardyń barshasy bir áýlettiń adamdary.

Al, keshe qutqarýshylar Syrdarııa ózenine batyp ketken 11-shi adamnyń denesi tapty.