Bir áýlette 205 jyldyń ishinde alǵash ret qyz bala dúnıege keldi
ASTANA. QazAqparat - Brıtanııanyń Kent graftyǵyndaǵy Lorı otbasynda 205 jyldyń ishinde alǵash ret qyz bala dúnıege keldi, dep habarlaıdy The Daily Mail. Maıla esimdi qyz bala 2014 jyldyń qazan aıynda dúnıege kelgen, alaıda otbasy úshin óte qýanyshty oqıǵa týraly Lorı ókilderi tek taıaýda ǵana málimdegen.
Lorı otbasynyń ótken bes urpaǵynda dúnıege tek ul balalar keletin. Basylymnyń atap ótýinshe, bul áýlette qyz bala sońǵy ret 1809 jyly, Ulybrıtanııada koroli Georg ІІІ, Frantsııada - Napoleon Bonapart bılik etken kezde dúnıege kelgen kórinedi.
