Bir atom elektr stansasyna qansha maman kerek - mınıstr túsindirdi
«Eldiń energetıkalyq teńgeriminde jańa generatsııa núktesi retinde qýaty 2,4 GVt bolatyn atom elektr stansasyn salý qarastyrylyp otyr», - degen mınıstr Qazaqstanda AES salýdyń artyqshylyqtary men álemdegi atom energetıkasynyń naryǵy týraly málimetterge toqtaldy.
«Atom energetıkasynyń tarıhy jarty ǵasyrdan astam ýaqytty qamtıdy. Osy ýaqyt ishinde ol energetıkanyń dástúrli salalarynyń birine aınaldy. Qazir álemdegi 31 el atom elektr stantsııalaryn paıdalanady. Osy jyldyń aqpan aıyndaǵy jaǵdaı boıynsha álemde shamamen 439 energııa reaktory, ıaǵnı jalpy qýaty shamamen 390 GVt bolatyn atom reaktory bar. 19 elde taǵy 52 reaktor salynyp jatyr. Atom energetıkasy búginde shamamen jahandaǵy búkil generatsııanyń 10%-yn alady», - dedi vedomstvo basshysy.
Mınıstr Atom energııasy jónindegi halyqaralyq agenttik 2050 jylǵa qaraı AES generatsııasy 1,8 ese ósedi dep boljaǵanyn atap ótti.
«Tabıǵı ýran óndirý boıynsha álemde birinshi orynda ekenimizdi aıta otyryp, ıadrolyq otyn óndirý boıynsha óz quramdastarymyz da bar. Ótken jyly Úlbi metallýrgııa zaýytynda atom elektr stantsııasyna arnalǵan ıadrolyq otyn óndiretin zaýyt ashyldy. Kadrlyq áleýetke keletin bolsaq, jaqynda atom energetıkasy salasynda maman daıarlaý boıynsha memorandýmǵa qol qoıyldy. Stantsııanyń qaýipsiz jáne senimdi jumys isteýi kóptegen kadrlardy qajet etedi. Biz eki energetıkalyq blogy bar bir stantsııaǵa aýysymdyq jumysty eskere otyryp, shamamen 2 myń adam qajet bolady dep topshyladyq. Bul 2 myń adamdy tek oqytyp qana qoımaı, olardyń osy salada belgili bir jumys tájirıbesi bolýy kerek», - dedi Bolat Aqsholaqov.
