Bir aptanyń ishinde aqtóbelik jol polıtsııa qyzmetkerleri jol qozǵalysynyń myńnan astam buzýshylyǵyn anyqtady
AQTÓBE. 17 shilde. QazAqparat - 9-17 shilde aralyǵynda Aqtóbe oblysy ІІD jol polıtsııa basqarmasynyń qyzmetkerleri jol qozǵalysynyń 1272 buzýshylyǵyn anyqtady, dep habarlady ІІD-niń baspasóz qyzmeti.
Máselen, 212 adam kólikti júrgizý barysynda qaýipsizdik beldigin taqpaǵan, uıaly telefonmen sóılesken 90 adam, mas kúıinde kólik júrgizgen 29 júrgizýshi, jyldamdyqty arttyrǵan 176 azamat anyqtaldy.
Bir apta ishinde oblysta 11 adam jaraqattanyp, 1-eýi qaza bolǵan 10 jol-kólik apaty oryn aldy.
Sonymen qatar 13 shilde kúni, apta saıynǵy «Jaıaý júrginshiler qaýipsizdiginiń kúni» aktsııasynyń barysynda jol erejesiniń 311 buzýshylyǵy anyqtaldy, olardyń 56-syn jaıaý júrginshiler jasasa, 15 buzýshylyq kólik ıeleriniń jaıaý júrginshilerge jol bermeýine qatysty boldy.
