Bir aptalyq jedel-saýyqtyrý sharasynyń barysynda jol polıtsııasy qyzmetkerleriniń qatysýymen 512 qylmys áshkerelendi
ASTANA. 1 qarasha. QazAqparat /Aıdar Ospanalıev/ - 18-25 qazan aralyǵynda júrgizilgen «Qaýipsiz jol» jedel-saýyqtyrý sharasynyń barysynda jol polıtsııasy qyzmetkerleriniń qatysýymen 512 qylmys ashyldy. Onyń ishinde 56 kólik urlaý áreketi bar.
Bul týraly búgin jýrnalıstermen bolǵan brıfıngte Іshki ister mınıstrliginiń Jol polıtsııasy komıtetiniń tóraǵasy Qaırat Tynybekov aıtty.
Onyń sózine qaraǵanda, ishki ister organdaryna 2 myń 832 qoǵamdyq tártip buzýshy jetkizilip, 703 adam medıtsınalyq aıyqtyrǵyshtarǵa jetkizldi. «Sondaı-aq buqaralyq aqparat quraldary jáne
«Nur Otan» partııasy ókilderiniń qatysýymen 691 reıd sharalary uıymdastyryldy. Jalpy qolǵa alynǵan sharalar jol qaýipsizdigin qamtamasyz etý sharalaryna ıgi yqpal etti», dedi komıtet tóraǵasy.
