Bir aptaǵa sozylǵan jedel-saýyqtyrý sharasynyń barysynda 94 myńǵa jýyq jolda júrý erejesin buzý áreketi anyqtaldy
parat /Aıdar Ospanalıev/ - Іshki ister mınıstrliginiń Jol polıtsııasy komıtetiniń ókilderi qazan aıynyń 18-i men 25-i aralyǵynda respýblıka aımaǵynda júrgizilgen «Qaýipsiz jol» jedel-saýyqtyrý sharasynyń barysynda 94 myńǵa jýyq jolda júrý erejesin buzý áreketin anyqtady. Bul týraly búgin jýrnalıstermen bolǵan brıfıngte Іshki ister mınıstrliginiń Jol polıtsııasy komıtetiniń tóraǵasy Qaırat Tynybekov málim etti.
Onyń sózine qaraǵanda, elimizdegi joldardaǵy qaýipsizdik sharalaryn baqylaý jumystarynyń tıimdiligin arttyrý maqsatynda jedel-saýyqtyrý sharasynyń barysynda jol polıtsııasynyń qyzmetkerleri baqylaıtyn baǵyttar ózgertilip, kúsheıtildi. Bul baǵyttaǵy jumystarǵa ishki ister organdarynyń ózge de qurylymdary tartyldy. «Biz ásirese basty nazardy apatty jaǵdaılar kóp oryn alatyn aımaqtarǵa burdyq. Orta eseppen alǵanda shara barysynda ishki ister organdarynyń 5 myń 800 qyzmetkeri kún saıyn qyzmet babynda boldy. Olardyń 3,5 myńy jol polıtsııasy qyzmetkerleri», - dedi komıtet tóraǵasy.
Onyń málimetterinshe, jedel-saýyqtyrý sharasynyń barysynda oryn alǵan zań buzý áreketteriniń 2 myń 728-in kólikti mas kúıinde júrgizý jaǵdaılary qurap otyr. Sondaı-aq 17 myń 424 adam kólikti shekten tys jyldam júrgizip ustalsa, 6 myń 717 adamnyń eshqandaı qujattary joq bolyp shyqty. 1 myń 798 jaǵdaıda júrgizýshiler qarsy baǵyttaǵy jolǵa shyǵyp ketken. 307 adam ishki ister organy qyzmetkerleriniń aıtqandaryna kónbegen. «Sondaı-aq 3 myń 989 jol erejesin jaıaý júrginshilerdiń buzýy tirkelgen. Jol erejesin udaıy buzyp júrgeni úshin 365 adamǵa ákimshilik is qozǵaldy», - dedi Q.Tynybekov.
