Bir aptadaǵy izdestirý nátıjesinde úıindi astynan tiri qalǵan 105 jastaǵy nepaldyq qarııa tabyldy
ASTANA. QazAqparat - Nepaldaǵy joıqyn jer silkinisinen keıin qutqarýshylar segiz kún boıy óz úıiniń úıindileriniń astynda tiri qalǵan 105 jastaǵy qarııany tapty. Bul týraly NDTV telearnasy jergilikti polıtsııa ókilderine silteme jasap habarlady, dep jazady Lenta.ru.
Kımtang derevnıasynda turǵan Fanchý Geıl (Fanchu Ghale) azdaǵan jaraqattar alǵan. Ol armııa tikushaǵymen aýrýhanaǵa jetkizildi.
Sondaı-aq jeksenbi kúni, 3 mamyrda Sıaýlı derevnıasynda úıindi astynan úsh adam qutqaryldy. Nepaldaǵy jer silkinisi 25 sáýirde boldy, odan keıin 100-ge tarta jerasty dúmpýleri oryn aldy.
Terbelisi 3,2 sońǵy dúmpý 3 mamyrda máskeý ýaqytymen 01:39-da tirkeldi. Onyń kindigi Nepal astanasy - Katmandýdan soltústik-batysqa qaraı 50 shaqyrym jerde, 10 shaqyrymdyq tereńdikte boldy, dep habarlady TASS.
Sońǵy málińmetter boıynsha, apat saldarynan 7 myńnan astam adam qurban boldy, 14 myńǵa jýyǵy jaralandy. 2 mamyrda el ókimet oryndary úıindi astynan tiri qalǵandardy tabýdan úmit úze bastaǵanyn máldimdegen bolatyn. BUU málimetterine qaraǵanda, aımaqta azyq-túlik, aýyzsý, qajetti zattar jetispeýshiligi sezilýde.
