Bir aptada jol ınspektorlary 5 myńnan astam JQE buzý faktisin tirkedi
ASTANA. 7 qazan. QazAqparat - Astanada bir aptada jol polıtsııasy ınspektorlary jol qozǵalysy erejesin buzýdyń 5 myńnan astam faktisin anyqtap, jolyn kesti.
Bul týraly astana.kz saıtyna qalalyq Jol polıtsııasy basqarmasynan habarlady.
«Kólikke mas kúıinde otyrǵan 37, jyldamdyqty shamadan tys asyrǵan 451 júrgizýshi ustaldy, 219 adam qaýipsizdik beldigin taǵynbaǵan. Jolǵa qoqys tastaǵan 318 tártip buzýshy, sondaı-aq, basyp ozý jáne manevr jasaý erejelerin buzǵan 391 júrgizýshi men ruqsat etilmegen jerden joldy kesip ótpek bolǵan 318 jaıaý júrginshige eskertý jasaldy», - delingen aqparatta.
Budan basqa, 12 jol-kólik oqıǵasy oryn aldy, 1 adam qaza taýyp, 10 adam jaraqattandy.
