Bir aptada Nur-Sultandaǵy KVI juqtyrý 17%-ǵa artty
NUR-SULTAN. QazAqparat – Elordada epıdemıologııalyq jaǵdaı áli de qubylmaly, kúnine 350-den 650-ge deıin jaǵdaı tirkeledi. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtyp berdi, dep habarlaıdy QazAqparat tilshisi.
«Nur-Sultan qalasyndaǵy COVІD-19 indeti boıynsha epıdemıologııalyq jaǵdaı turaqsyz bolyp qalýda, qala bir aıdan astam ýaqyt boıy «qyzyl aımaqta» tur. Kúnine 350-den 650-ge deıin jaǵdaı tirkeledi. Sońǵy aptadaǵy syrqattanýshylyq kórsetkishi aldyńǵy aptadan 17%-ǵa joǵary, 100 myń turǵynǵa shaqqandaǵy qarqyndy kórsetkish-326,2 qurady. Reprodýktıvti sany-1,07», - dedi S. Beısenova elorda ákimdiginde ótken brıfıngide.
Jyl basynan beri qala boıynsha aýyrǵandar sany 21 myńnan asty, al jalpy pandemııa bastalǵaly – 40 169 jaǵdaı tirkeldi (onyń ishinde 26 130 – sımptomy bar jáne 14 039-sımptomsyz).
«Bıylǵy sáýir aıyndaǵy COVID-19 syrqattanýshylyq kórsetkishi naýryz aıyndaǵy syrqattaný deńgeıinen 50%-ǵa, qańtar-aqpan aılarynan 37,8%-ǵa asady», - dedi spıker.
