Bir aptada Qazaqstanda 3 myńnan astam qylmys jasaldy

NUR-SULTAN. QazAqparat – Ótken aptada elimizde 3124 qylmys jasaldy, onyń 2 myńnan astamy izin sýytpaı ashylǵan. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat.

«Bir apta ishinde 3124 qylmys jasaldy, onyń arasynda 2104 is bir táýlik ishinde ashyldy.

Polıtsııa qyzmetkerleri izin sýytpaı kisi óltirýge qatysty – 9, ólimge ákep soqqan densaýlyqqa qasaqana aýyr zııan keltirýge qatysty – 5, qaraqshylyq – 5, tonaý – 47 jáne bóten múlikti urlaýǵa qatysty 454 qylmysty ashty», - dedi Nurdildá Oraz Іshki ister mınıstrligi uıymdastyratyn aptalyq brıfıngide.

Buǵan deıin resmı ókil Qazaqstandaǵy eń iri qarjy pıramıdasy QUESTRA WORLD-qa qatysty is sotqa berilgenin habarlaǵan edi.

Tergeý barysynda 2016 jyldyń naýryzynan 2017 jyldyń maýsymyna deıin Ispanııa, Kabo-Verde jáne Reseı azamattary Qazaqstan aýmaǵynda QUESTRA WORLD qarjy pıramıdasyn quryp, ony qazaqstandyqtar da tartylǵan transulttyq uıymdasqan top quramynda basqarǵany anyqtaldy. Pıramıda basshylary salynǵan somanyń 336% deıin tabys tabýǵa kepildik berip, salymshylarǵa vırtýaldy valıýtany paıdalaný arqyly 90-nan 500 myń eýroǵa deıingi oıdan shyǵarylǵan ınvestıtsııalyq portfelder satyp alýdy usynǵan.