Bir aptada Qazaqstanda 3 myńnan asa qylmys tirkeldi

NUR-SULTAN. QazAqparat – Bir apta ishinde Qazaqstanda 3268 qylmys tirkeldi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Bir apta ishinde 3268 qylmys jasaldy, onyń 2217 táýlik ishinde ashyldy. Polıtsııa qyzmetkerleri «izin sýytpaı» 11 kisi óltirýdi, 8 ólimge ákep soqqan densaýlyqqa qasaqana aýyr zııan keltirýdi, 41 tonaý jáne 522 bóten múlikti urlaý qylmystaryn ashty», - dedi N. Oraz onlaın brıfıngide.

Budan buryn habarlanǵandaı, brıfıngide QR ІІM Ákimshilik polıtsııa komıteti tóraǵasynyń orynbasary Serik Túsipov bıylǵy 7 aıda jol erejesin buzýdyń 4 mln-ǵa jýyq jaǵdaıy anyqtalǵanyn aıtty.

Sonymen qatar S. Túsipov jaıaý júrginshilerdiń tártibine qatysty problemany aıtty.