Bir aptada Qazaqstanda 3 myńǵa jýyq qylmys tirkeldi – ІІM

ASTANA. QazAqparat – Bir aptada elimiz aýmaǵynda 3 myńǵa jýyq qylmys jasalǵan. Bul týraly Іshki ister mınıstrliginiń ókili Aqtoty Boranova aıtty, dep habarlaıdy QazAqparat tilshisi.

«Bir apta ishinde 2917 qylmys jasaldy, onyń 1698-i táýlik ishinde ashyldy», - dedi Aqtoty Boranova mınıstrliktiń baspasóz alańynda ótken brıfıngide.

Onyń aıtýynsha, polıtsııa qyzmetkerleri «izin sýytpaı» 4 kisi óltirýdi, 6 ólimge ákep soqqan densaýlyqqa qasaqana aýyr zııan keltirýdi, 2 qaraqshylyq, 38 tonaý jáne 364 bótenniń múlikin urlaý qylmysyn ashty.