Bir aptada Qazaqstanda 2700-den astam qylmys tirkeldi
ASTANA. QazAqparat – Ótken aptada Qazaqstanda 2754 qylmys tirkelgen. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.
«Eldegi krımınogendik jaǵdaıǵa toqtalaıyq, bir apta ishinde 2754 qylmys jasaldy, onyń 1670 táýlik ishinde ashyldy. Polıtsııa qyzmetkerleri «izin sýytpaı» 8 kisi óltirýdi, 1 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 40 tonaý jáne 376 bóten múlikti urlaý qylmystaryn ashty», - dedi Іshki ister mınıstrliginiń ókili aptalyq onlaın brıfıngide.
Buǵan deıin Іshki ister mınıstrligi elimizdegi kóshi-qon jaǵdaıyn baıandady jáne bıyl Qazaqstanǵa 5 mıllıonnan astam sheteldik kelgen. Olardyń basym bóligi Reseı Federatsııasynan kelgen – 2 mıllıon 900 myń adam el aýmaǵyna kirgen. Ekinshi orynda – Ózbekstan (2 mıllıon 300 myń adam) tur.
