Bir aptada Qazaqstanda 2621 qylmys tirkeldi – ІІM
«Bir apta ishinde elde 2621 qylmys jasaldy. Onyń 1029-y táýlik ishinde ashyldy», - dedi Sh. Turlybek mınıstrliktiń baspasóz alańynda ótken brıfıng barysynda.
Baspasóz qyzmeti ókiliniń aıtýynsha, polıtsııa qyzmetkerleri «izin sýytpaı» 12 kisi óltirýdi, 6 ólimge ákep soqqan densaýlyqqa qasaqana aýyr zııan keltirýdi, 3 qaraqshylyq, 4 tonaý jáne 431 bóten múlikti urlaý qylmystaryn ashqan.
Sondaı-aq, polıtsııa qyzmetkerleri mereke kúnderi kúsheıtilgen rejımde jumys istegen. Qyzmettik boryshyn óteýmen qatar, barlyq óńirdegi polıtseıler óz qamqorlyǵyndaǵylarmen kezdesip, merekemen quttyqtaǵan.
«Mańǵystaý oblysynda tártip saqshylary polıtsııa esebinde turǵan áıeldiń otbasyna kómek kórsetti. Shymkent qalasynyń polıtseıleri qıyn jaǵdaıǵa tap boǵlan kópbalaly otbasyǵa syılyqtar tabystady. Qyzylorda polıtseıleri oblystyq-psıhıkalyq densaýlyq ortalyǵynyń patsıentterimen kezdesý ótkizip, esirtki zattarynyń teris áseri týraly aıtty. Almaty jáne Túrkistan oblystyq polıtsııa departamentiniń qyzmetkerleri balalar úıi men qarttar úıine syılyqtar tabys etti», - deıdi Sh. Turlybek.
